Çdo kalendar që krijon mund të ndahet me të tjerë përdorues në domenin tënd. Përdoruesit që ndajnë domenin tënd përfshijnë çdokënd adresa e emailit të të cilit pas simbolit “@” është njësoj si e jotja. Për shembull, nëse adresa jote e emailit është “emailiim@domeniikalendarit.com”, atëherë çdo përdorues, adresa e emailit të të cilit përfundon me “@domeniikalendarit.com”, është në domenin tënd. Është e mundur që në domenin tënd të kufizosh aksesin (ose të caktosh akses të veçantë) për përdorues individual.

Për të kthyer një kalendar privat në një kalendar të ndarë:

1. Kliko mbi Kalendari.
2. Nëse dëshiron të ndash kalendarin me këdo në domenin tënd, shko te Ndaj me përdoruesit e domenit, përdor menynë me hapje nga poshtë dhe ndrysho Mos ndaj në Vetëm për lexim ose Lexo, Modifiko dhe Fshi ngjarjet. Kliko Ruaj.

Në vijim një shpjegim për këto cilësime:

• Mos e ndaj: Ky nivel ndarjeje lejon të tjerët të shohin se je i zënë gjatë kohëzgjatjes së ngjarjes. Ky cilësim është shumë i dobishëm për të lejuar programimin e mbledhjeve pa shfaqur detajet e plota rreth të gjithë kalendarëve të përfshirë.

Për shembull, le të supozojmë se ke rezervuar një takim për çështje marketingu me Jack dhe Sue të martën, ora 10-11 e paradites. Të tjerët mund të vërejnë se të martën je i zënë nga ora 10 deri në 11 të paradites dhe do të mund të shohin titullin e ngjarjes, por nuk do të mund të klikojnë mbi të.

• Vetëm për lexim: Ky është cilësimi i rekomanduar për të ndarë. Ky cilësim lejon të tjerët të shohin detajet e plota të ngjarjeve të tua të ndara, por ata nuk mund të modifikojnë ngjarjet.
• Lexo, modifiko dhe fshi ngjarjet: Ky cilësim është projektuar për ekipet që punojnë së bashku në projekte dhe përdorin të njëjtin kalendar. Me këtë cilësim, të tjerët mund të shohin detajet e plota të ngjarjeve të tua, t’i modifikojnë, t’i fshijnë ose të krijojnë të reja.

Si të ndash kalendarin tënde me përdorues specifik:

1. Nëse dëshiron të krijosh cilësime të personalizuara të aksesit për përdorues individualë në domenin tënd, kliko mbi kalendarin që dëshiron të ndash.
2. Për t’i caktuar një nivel të personalizuar aksesi një përdoruesi specifik, fut adresën e emailit, emrin ose grupin nën Ndaj me përdorues specifik.
3. Pastaj zgjidh llojin e lejes që dëshiron t’u japësh midis Vetëm për lexim dhe Lexo, Modifiko, dhe Fshi ngjarje.
4. Kliko Shto për të shtuar më shumë adresa emaili. Pasi të kesh përfunduar kliko Ruaj.